‘ग्राहकांमध्ये औषधांबाबतची जागरुकता, डोळसपणा व योग्य माहिती असणे आवश्यक आहे. औषध तेच, पण योग्य मात्रेत जबाबदारीने वापरले, तर अमृत, नाहीतर होते एक विष’, असे प्रा. मंजिरी घरात यांनी म्हटले आहे. जबाबदारीने वापरणे म्हणजे औषधसाक्षरता. या पुस्तकात त्यांनी वाचकांना औषधसाक्षर केले आहे. प्रिस्क्रिप्शन कसे वाचावे, यापासून त्या सुरुवात करतात. औषधे घेण्याच्या वेळा, अँटिबायोटिक्स म्हणजे काय, द्रव औषध कशी घ्यावीत, आयड्रॉप्स कसे वापरावेत अशा मुद्द्यांचा त्या वेध घेतात.
बीपी, डायबेटिस, कोलेस्टेरॉल अशी दुखणी असलेल्या रुग्णांनी कशी काळजी घ्यावी, याविषयी सल्ला देतात. मानसिक आजार आणि औषधे या महत्त्वाच्या विषयावरही त्या प्रकाश टाकतात. याव्यतिरिक्त जेनेरिक औषधे, पिल्स आदींची माहितीही देतात. पुस्तकात वेबसाइट्स, पत्ते आणि फॉर्म्सचाही समावेश आहे.
प्रकाशक : मेनका प्रकाशन
पाने : १२६
किंमत : १५० रुपये
(हे पुस्तक ‘बुकगंगा डॉट कॉम’वरून घरपोच मागवण्यासाठी खालील लिंकवर क्लिक करा.)